كل شيء حلو في وقته

 دخلت الوتس وتصفحته 

وتفاجئت برقم غريب ..

 المهم اني أضفته

بدون ما أركز قبلته

قلت يمكن يكون أحد من أهل

أو صديق… المهم ما حظرته 

قلت : هلا بك يا الغالي ورحبته

وكلام حلو علشانه قلته

مدري والله من وين جبته

المهم إني جبته

وكلام زين هو كذا زين وأنا زينته

قلت الحين وقت التعريف

وسالته منو انته ؟ 

قال: هلا بك يا أحمد

قلت: يعرفني وأنا ما عرفته؟

وسألته ( منو انته ) ؟

قال: أخوي كل شيء حلو في وقته

حاولت أوضح له...

 وكل شيء بينته

قال: يا زين .. ياحبوب ..

قلنا لك كل شيء حلو في وقته

قلت: يا فلان ياعلان 

جبت له اسم وسميته

مدري وش من اسم عطيته

ضحك… يا ليتني ما ضحكته

قلت : وقتي ضيعته

وشغلي ومن أجلك خليته

قال : كل شيء حلو في وقته

 نبرتي وغيرته

وكلاما جارحا سمعته

قصدي أزعله وزعلته

قال : مشغول..!!

وكأني  أنا الذي  شغلته

ثم طلب مني انتظر

 والله إني انتظرته

لين طلع من الوتس 

ورسائلي ما ووصلته

ويوم الثاني صدفة لقيته

قلت: هلا بك

وكلاما حلو حق البارحة ما سمعته

قلت في نفسي: كلامي بالامس خسرته ...

وأول ما رد ورده

 وربي إني تخيلته

قال : كل شيء حلو في وقته

شفت رده، خليت كأني ما شفته

المهم عديته ومشيته

وكلامي الأول رجعته

بعدما هددته وحذرته

يا إنك تعرف بنفسك

وباسم الله بديته

أو أحذف رقمك اللي أضفته

قال: كل شيء حلو في وقته

ومن وقته أنا حذفته

بس سؤالي ...؟ 

هل كل شيء حلو في وقته؟

والمشكلة في إني اضفته؟

والحل يوم إني حذفته وحظرته ؟